Tariff
| Publisert
06.07.2012 09:04
| Oppdatert
06.07.2012 09:16
Brotet i meklinga mellom Stiftinga Statoils barnehagar og Industri Energi kom fordi Statoil-barnehagane har valt å melde seg inn i Private Barnehagers Landsforbund (PBL) og krev at PBL sin sentrale tariffavtale skal gjelde for deira tilsette. Dei tilsette ønskjer ikkje dette.
- I realiteten vil Statoil slå ein stor svart strek over dagens tariffavtale og erstatte den med ein mykje dårlegare avtale, seier forhandlingsleiar Gro Losvik i Industri Energi, til NTB.
Industri Energi vil ikkje gå bort frå dagens avtale, med dei rettane dei tilsette har fått gjennom år med tarifforhandlingar. Stiftelsen Statoils barnehagar er derimot ikkje villig til å fortsette med ein eigen avtale.
- Vi er innstilte på å få til gode overgangsordningar, og vil halde på det gode forholdet vi har til våre tilsette. Men Industri Energi vil ha ein sjølvstendig tariffavtale, og det kan ikkje vi tillate. Det vil gje dei tilsette ein dobbelt streikerett, og det er i strid med reglane i organisasjonslivet, seier dagleg leier Magnhild Brekke i Stiftelsen Statoils barnehagar.
