Stor auke av menn på barnehagelærarstudiet
Uvanleg mange mannlege studentar starta på barnehagelærarutdanninga ved Høgskulen i Sogn og Fjordane i haust.
Blant dei 40 studentane som starta på heiltidsutdanning barnehagelærar ved høgskulen i haust, er 15 menn, skriv Sogn Avis.
Blant studentane som går eitt og to år føre i same utdanning er det berre fire eller fem menn, ifølgje Hege Fimreite, instituttleiar for lærarutdanning og idrett.
Fimreite seier det er fleire av mennene som har starta på utdanninga i haust som har studert før.
– Mange er godt opp i 20-åra. Det er ikkje berre 19-åringar som kjem rett frå vidaregåande skule.
