Byrådet i Bergen opprettar nynorskklasse på sentrumsskole

Eitt tiltak er ein parallellklasse for nynorsk.

- Klassen skal vere ved ein sentrumsskole og med det godt tilgjengeleg, presiserer Linn Kristin Engøy.

Noregs Mållag meiner dette er første gongen politikarane i ein storby opprettar nynorskklassar på dette viset. Rett nok hadde Oslo kommune nynorskklasse på Sagene skole i mange år. Men det var av di foreldra nytta seg av mållova, seier at om ti foreldre krev nynorskklasse har kommunen plikt til å opprette. I Bergen blir klassen oppretta på politisk initiativ, utan ein foreldreaksjon.

– Vi meiner tilbodet ikkje skal vere avhengig av slikt foreldreinitiativ, seier Engøy.

Systematikk frå tredje klasse

I den politiske plattforma til det nye byrådet ønskjer systematisk opplæring i nynorsk og bokmål for alle elevar frå og med tredje trinn. Kommunen skal som hovudregel ikkje nytte digitale læremiddel som ikkje finst på båe målformer.

I 1972 vart kommunane Arna og Fana til bydelar i Bergen. Dette hadde vore sterke nynorskkommunar.

– Det er hevda at den nye storkommunen neglisjerte språktradisjonane i desse kommunane ved samanslåinga?

– Bergen har som sagt ikkje tatt godt nok vare på nynorsken. Målet er at dei som veks opp nå skal møte nynorsk i større grad enn tidlegare, seier Linn Kristin Engøy. Ho kan vise til at den politiske plattforma peikar spesielt på Arna bydel, og vil ha tiltak for å motverke ufrivillig språkskifte der.