Ny universitetsrektor i Bergen

Grønnmo er professor i sosiologi. Han var prorektor ved universitetet fra 1997 til 2001. Sigmund Grønmo er 58 år og kjem frå Sømna i Norland. Professor Anne Gro Vea Salvanes frå Matematisk-naturvitskapleg fakultet er den nye proretoren.
 
Langt fleire nytta stemmeretten sin ved dette rektorvalet enn ved valet i 2001 og 1998 melder På Høyden, nettavisa for Universitetet i Begen. Dette gjeld både vitskapleg tilsette, studentar og teknisk/administrativt personale. Sigmund Grønmo og Anne Gro Vea Salvanes hadde klart fleirtal i to av gruppene. 
 
- Vi håpa å komme opp i over 50 prosent deltaking frå dei tilsette og 10 prosent for studentane. Det klarte vi for alle dei tre gruppene, og med relativt god margin for to av dei. Det er vi veldig godt nøgde med. Særskilt er det gledeleg med den store auken i studentstemmer seier Per Gunnar Hillesøy frå Kollegiesekretariatet og Valstyret.
 
Hillesøy trur at den gode valdeltakinga har to hovudårsaker. For det første er valet elektronisk, slik at det har blitt langt lettare å stemme, og for det andre har det vore reell konkurranse og mykje merksemd om valet.
 
53,9 prosent av dei vitenskaplig tilsette, 50,1 prosent av dei teknisk/administrativt tilsette og 13,4 prosent av studentane stemte ved årets rektorval.
 
Sigmund Grønmo og Anne Gro Vea Salvanes hadde flest stemmer både hjå dei vitskapleg tilsette og studentane med 55,1 og 60,0 prosent av stemmene, medan Rune Nilsen skåra best blant teknisk/administrativt personale med 44,2 prosent. Stemmene frå studentane teller 25 prosent, frå dei vitskapleg tilsette 59 prosent, medan dei teknisk/administrativt tilsette teller 16 prosent.
 
(kr)