Lærarar flyktar frå London-skulane

Det går fram av ein analyse parlamentsmedlemmen Matthew Pennycook frå arbeiderpartiet har gjort av offentleg statistikk, skriv avisa The Guardian.

 – Den konservative regjeringa har inga lyst til å ta tak i dei underliggjande drivkreftene bak denne urovekkjande trenden: arbeidsmengd, stagnerande løn,  aukande levekostnadar og mangel på rimelege bustadar, seier Pennycock til avisa.

Han får støtte av generalsekretær Kevin Courtney i lærarorganisasjonen National Education Union. Ifølgje ei undersøking organisasjonen har gjort, har 81 prosent av lærarane vurdert å slutte det siste året på grunn av auka arbeidsmengd som ikkje kjem elevane til gode.

Ein talsperson for Utdanningsdepartementet forsikrar at utdanningsministeren sin førsteprioritet er å sikre at læraryrket held fram med å vere attraktivt og givande. Departementet syner også til at det er 11.900 fleire lærarar i britiske skular i dag enn i 2011.