Kontaktlæraren er nøkkelen til ein normal skoledag etter korona
–Kontaktlæraren ser elevane som treng ekstra hjelp og kan byggje lag rundt eleven ut frå kva den einskilde treng. Det var eit viktig råd frå Grethe Hovde Parr til kunnskapsministeren.
Publisert
Sist oppdatert
Grethe Hovde Parr, som er utdanningsdirektør hos statsforvaltaren i Viken, har leia arbeidet med rapporten «Skolen etter koronapandemien. Et løft for trivsel og læring.» Tirsdag overleverte ho rapporten til kunnskapsminister Guri Melby (V).
Parr understreka at pandemien hadde påverka skolane svært ulik, frå nesten ikkje i det heile til å skape store endringar over lang tid. Men dei som sleit før pandemien, dei har slitt ekstra mye nå.
Kompetente lærarar
– Difor må den einskilde kommune og den einskilde skole avgjere kva akkurat deira skole treng, sa ho, og understreka at det er kompetente lærarar som best kan vurdere kollektive og individuelle behov for deira elevar. Parr understreka og at det ville krevje ekstra personell for å ta att det som hadde falle bort under pandemien.
Samstundes understreka ho at elevane vil trenge tid med kvarandre og tid til å byggje opp at den sosiale læringsfellesskapen. Ho minna og om at ulike elevar må få lære på ulike måtar.
Område der det vil vere naudsynt å kompensere for undervisninga under pandemien, identifiserte ho særleg som spesialpedagogikk, særskild språkopplæring, grunnleggjade lese- og skriveopplæring, symjeundervisning og praksis i yrkesfag.
Tøff tid for lærarane
Kunnskapsminister Guri Melby sa ho var glad for at råda frå utvalet i stor grad var å byggje på dei strukturane som alt er i skolen.
– Lærarane har hatt ei tøff tid. Da er det godt at dei kan få jobbe på kjent vis. Vi skal ikkje kome med noe nytt, sa ho da ho takk for rapporten.
– Eg er glad vi har fått denne rapporten så kjapt, slik at vi kan kome kjapt i gong med tiltak. Samstundes har jo visst at det ikkje finst nokon kvikkfiks for å ta att det vi mista i koronatida. Vi må jobbe systematisk over svært lang tid, sa Guri Melby.
