Kan nå ha same tillitsverv i tolv år

Unntatt frå dette er dei hovudtillitsvalde, som kan fungere lenger.

Vedtaket er ein konsekvens av at Utdanningsforbundet frå nå av skal ha val kvart fjerde år, i staden for kvart tredje fram til nå. Maksimal tid i same vervet har vore tre periodar. Med val kvart tredje år vart dette ni år. Med val kvart fjerde år blir det tolv år.

Fylkesstyra i Nord-Trøndelag og Hedmark hadde levert inn framlegg om at maksimal periode burde vere åtte år. Argumentet var at tillitsvalde som grodde fast i vervet kunne hindre god kommunikasjon mellom tillitsvalde og grasrota. Men dette vart nedstemt.