– Elevar ville klare seg betre viss dei vart underviste i å lytte

Det skriv folkeskolen.dk

– For vår lytteevne blir påverka av rom, tid, kroppar, artefaktar og mange andre forhold, forklarer Lene Illum, lektor og ph.d. ved UC Syd.

Ho meiner skulen bør undervise elevar i lyttestrategiar.

– Effektive lyttarar er generelt meir suksessfulle i skulen. Likevel peiker forskinga også på at lytteinstruksjonar fyller svært lite i undervisninga, og at det ofte er uklart for elevane kvifor og korleis dei skal lytte i undervisninga, seier Illum.

Illum har skrive avhandlinga «Jeg kan godt skimmehøre – Multimodal lytting i et dialogisk perspektiv. En kvalitativ undersøkelse av hvordan elever gjør lytting i danskundervisningen». Her kjem det fram at lytting er noko som utviklar seg naturleg hos barnet, utan særskilt undervisning. Men ho meiner vi må hjelpe elevane til å bli betre lyttarar, og korleis.

I ein undervisningskontekst er det stor forskjell på lytteformål, avhengig av om elevane skal lytte til læraren sitt faglege innlegg, instruksjonar, delta i ein litteratursamtale eller inngå i gruppearbeid.

– Derfor vil det gi veldig god meining viss læraren av og til tydeleggjer kva lytteformål og lyttehandlingar han eller ho ønskjer eller ser på som mest føremålstenlege, seier Illum.

Tre punkt om å undervise i lytting:

1. Lytting er ein viktig læringsstrategi på line med lesing, skriving og munnlegheit. I ein undervisningskontekst er det stor forskjell på lytteformål, avhengig av om elevane skal lytte til læraren sitt faglege innlegg, instruksjonar, delta i ein litteratursamtale eller inngå i gruppearbeid.

2. Eksplisitte lytteinstruksjonar bør vere ein del av undervisninga. Det vil hjelpe elevane viss læraren av og til tydeleggjer kva lytteformål og lyttehandlingar læraren ønskjer eller ser på som mest føremålstenlege i den gitte undervisningssituasjonen.

3. Rammene for elevane si lytteåtferd i forskjellige situasjonar kan lærar og elevar avtale saman. For eksempel at det ikkje blir teikna når ein klassekamerat taler, at ein set seg i sirkel så alle kan sjå den som talar.