Søkjarflukt frå lærarutdanningar i Danmark

Dei samla søkjartala til høyere utdanning i Danmark auka med fem prosent frå i fjor til i år. Lærarutdanninga gjekk opp med to prosent, altså godt under den gjennomsnittlege auken. Pedagogutdanninga, som i Danmark omfattar både barnehagelærarutdanning og utdanning retta mot skolefritidsordningar og fritidsklubbar, gjekk ned med fire prosent. Det er Danmarks Radio som melder dette.

Velferdutdanningane er eit samlenamn på utdanningane til lærar, sjukepleiar, sosialrådgivar og høgskoleutdanningane mot barnehage og fritidsordningar. Sidan 2019 har søkjartala til desse utdanningane gått ned med 28 prosent. Dei lågaste søkjartala var i fjor.

– Eit katastrofeår, seier leiar ved Danske profesjonshøgskolar Camilla Wang til Danmarks Radio

Men tala for i år er berre litt høgare enn fjoråret.

– Dette er utdanningane vi har bygd heile velferdssamfunnet opp rundt, seier ho.

Ifølgje Camilla Wang ser dei unge på arbeid i velferdsyrka som ei blindgate utan sjanse til avansement. Profesjonshøgskolen arbeider difor med å styrke det faglege ambisjonsnivået. Men ei oppfatting av dårlege lønns- og arbeidsvilkår er også ein grunn til at velferdsyrka ikkje er attraktive, meiner Wang.

Les meir: Danmarks Radio