Politisk semje i Danmark om å fjerne biletkunsttimar 

Det skriv folkeskolen.dk

Foreininga har kjempa hardt for å behalde timen, men politikarane meiner at kreativitet kan utforskast i andre fag som norsk. 

Lærarar er skuffa og meiner at biletkunst er uerstatteleg for elevane si kreative utvikling.

– Biletkunst er det einaste praktiske faget i småskulen. Det er her dei kan bruke det språket dei er best til: dei kan kommunisere via sine teikneferdigheiter, seier formann for foreininga, Lykke Andersen. 

Ho er djupt skuffa over at politikarane ikkje har lytta til innspela deira.

Politikarane hevdar at det var vanskeleg å sikre fagleg fordjuping med så få timar avsett til faget, og at elevane kan utforske sin kreativitet i andre fag. Men lærarar meiner at det ikkje er det same å teikne i norsk som å ha biletkunst, og at biletkunst er viktig for å eksperimentere, fordjupe seg og utvikle eigne idear.

Andersen oppfordrar biletkunstlærarane til å kjempe vidare lokalt, ved å føreslå for sine skuleleiarar og skuleeigar at ein tek ein leksjon frå den nyinnførte timebanken, der timane frå den understøttande undervisninga framover kan brukast meir fleksibelt.

– Eller ein kan ta imot oppfordringa frå Barne- og undervisningsdepartementet, som sjølv oppfordrar til at elevane kan «utforske kreativiteten sin i andre fag som til dømes dansk». Med andre ord har dei gitt grønt lys til at ein faktisk kan øyremerke til dømes to dansktimar, føreslår ho.