Ill.foto: Paal Svendsen
Opnar lærarutdanninga for studentar under karakterkravet
Regjeringa vil at søkjarar som ikkje tilfredsstiller karakterkravet, skal kunne starte eit lærarstudium denne hausten.
Dette kjem
fram i høyringsnotatet om forslag til endringar i nivåkrav til opptak til høgare
utdanning og opptak til praktisk-pedagogisk utdanning som regjeringa la fram mandag.
Her skriv
regjeringa at utdanningsinstitusjonane nå i
haust bør kunne ta opp lærarstudentar som ikkje tilfredsstiller karakterkrava, om to krav er oppfylt:
Det eine
er at institusjonen har søkt om dispensasjon frå karakterkravet. Det andre er
at institusjonen ikkje har klart å fylle opp studieplassane med kandidatar som
tilfredsstiller karakterkravet. Opptaket skal skje lokalt.
Regjeringa
vil ha dette som ei særordning for komande studieår.
Som permanent regel foreslår
regjeringa i høyringsnotatet at institusjonane etter søknad skal kunne avvike frå
karakterkrava dersom dei har tiltak som ivaretek dei same omsyna som nivåkrava
er meint å ivareta. Denne endringa i regelverket vil regjeringa skal skje frå
studieåret 2026-27.