Steffen Handal er vald til ny leiar for Unio

Det melder unio.no. 

Begge var på førehand innstilte av valkomiteen og vart valde ved akklamasjon på Unio-kongressen på Sundvolden Hotel. Handal og Woll Johansen takkar kongressen for tilliten.

– Noreg står overfor store utfordringar. For å løyse mangelen på arbeidskraft og møte behovet for omstilling er samarbeid og ei samla fagrørsle viktigare enn nokosinne, seier nyvald leiar Steffen Handal.

– Eg ser fram til å jobbe for gjennomslag for Noregs største hovudorganisasjon for tilsette med høgare utdanning og for Unio som ein sentral samfunnsaktør, seier nyvald nestleiar Cecilie Woll Johansen.

I går vart det kjent at Guro Lind trekte sitt kandidatur til leiarposisjonen, og støtta kandidaturet til Handal.

Steffen Handal (55) er lærar og utdanna adjunkt med tilleggsutdanning i statsvitskap. Han har lang fartstid som tillitsvald og var leiar av Utdanningsforbundet i perioden 2016–2024. Cecilie Woll Johansen (51) er utdanna sjukepleiar og leiar og har vore einingsleiar i Narvik kommune sidan 2018. Ho har sete i forbundsstyret i Norsk Sjukepleiarforbund sidan 2019.

Den nye leiinga tek over 1. januar 2025. Unio-leiar Ragnhild Lied går av ved årsskiftet.

Følgjande vart valde til styremedlemmer:

Frå Utdanningsforbundet:

• Geir Røsvoll 
• Ann Mari Milo Lorentzen 
• Thom Jambak 
• Lars Erik Wærstad

Frå Norsk Sjukepleiarforbund: 

• Lill Sverresdatter Larsen 
• Kai Øivind Brenden 
• Kari Tangen / generalsekretær ved tiltreding

Frå Forskarforbundet: 

• Steinar Sæther 
• Birgitte Olafsen

Frå Politiets Fellesforbund: 

• Unn Alma Skatvold 

• Roar Fosse

Frå Norsk Fysioterapeutforbund: 

• Stig Fløisand

Frå Det norske maskinistforbund: 

• Hege-Merethe Bengtsson

Frå Fellesordninga: 

• Mizanur Rahaman, Akademikarforbundet 
• Tove Holst Skyer, Norsk Ergoterapeutforbund